Rijkalasj unneplågo

Le gus dujna tjanos aktaj Svieriga vidát rijkalasj unneplågojs; juvdára, roma, svieriksuobmelattja, sáme ja duornosliegega? De dujna li nannodum rievtesvuoda ja máhttelisvuoda ietjat aktavuodan mijájn.

Dujna l rievtesvuohta diededuvvat ietjat rievtesvuodaj birra, juska makkir rijkalasj unneplågogielav ságasta ja gånnå åro Svierigin. Dujna gut åro kommuvnan tjuottjodusguovlon la aj rievtesvuohta guládallat mijájn ietjat gielajn njálmálattjat ja tjálalattjat.

Suoddjip ja åvdedip ietjat gielav ja kultuvrav

Galggap suoddjit ja åvdedit rijkalasj unneplågogielajt ja åvdedit rijkalasj unneplågoj máhttelisvuodajt bisodit ja åvdedit ietjasa kultuvrav Svierigin, mánáj kultuvralasj identitehta åvddånimev ja ietjasa unneplågogiela ávkkim galggá sierralahkáj åvdeduvvat.

Galggap aj vaddet rijkalasj unneplågojda máhttelisvuodav bájnnet ássjijn ma sidjij guosski ja muhtem märráj rádedit unneplågoj åvdåstiddjij dakkir ássjijn.

Láhka rijkalasj unneplågoj birra l fámon ålles Svierigin ja mierkki:

• unneplågogiela galggi suoddjiduvvat ja åvdeduvvat
• rijkalasj unneplågo galggi máhttet bisodit ja åvdedit ietjasa kultuvrav
• tjuottjudusfábmudagá li välggogisá diededit unneplågoj rievtesvuodaj birra ja sidjij vaddet bájnnemav ietjasa ássjijn.

Stockholma lena lenastivrra aktan Sámedikkijn la åvdåsvásstádus aktidimes ja joarkkaåvdedimes gåktu Svieriga unneplågopolitijkka ålliduvvá rijka kommuvnajn. Sámedikken la åvdåsvásstádus sámijs ja Stockholma lenastivran la åvdåsvásstádus juvdárijs, romajs, svieriksuobmelattjajs ja duornosliegegijs.

Nåvti duv ulmusjdiedojt giehtadallap External link.